Futboll

Behrami, kapiten dhe lider

Udinese në xhiron e fundit mundi Sampdorian 1:0, ku Behrami ishte kapiten për skuadrën e tij

E hënë, 27 Gusht 2018 - 10:30 albinfo.ch

Ashtu siç është pritur, Valon Behrami është bërë kapiten i Udineses në sezonin e ri në Serie A, shkruan albinfo.ch.

Behrami, i cili u pensionua nga Përfaqësuesja e Zvicrës pas debatit që kishte me Vladimir Petkoviq, i është përkushtuar tërësisht skuadrës italiane.

Udinese në xhiron e fundit mundi Sampdorian 1:0, ku Behrami ishte kapiten për skuadrën e tij. Behrami është zëvendësuar në minutën e 93-të, duke fituar edhe duartrokitjet e tifozëve.

Ndërkohë, pas ndeshjes atë e ka lavdëruar trajneri Julio Vazquez. “Behrami është spektakular. Ishte i mirë në ndeshjen e sotme (e diel), ashtu si edhe në Parma. Ai është një lider dhe një top-lojtar”, theksoi Vazquez pas ndeshjes për “Rai”.

Behrami është vlerësuar me notën 7.8, duke qenë njëri ndër më të mirë në fushë për Udinesen.