Bëhet thirrje për uljen e shpejtësisë në autostradat zvicerane

(KEYSTONE/Laurent Gillieron)

Shoqata e Transportit dhe Mjedisit e Zvicrës (ATE) po bën presion për një kufi më të ulët të shpejtësisë në autostradat e vendit – nga 120 km/h aktuale, në 100 km/h, përcjell albinfo.ch.

Arsyeja është se kjo masë “mund të zvogëlojë ndjeshëm kërkesat për karburant në trafik. Një efekt anësor pozitiv do të ishte reduktimi që rezulton në emetimet e CO2. Rezervat e karburantit do të ruheshin dhe gjasat për mungesë, do të reduktoheshin”, tha ATE në një deklaratë për shtyp të martën.

Megjithatë, një masë e tillë duhet të vendoset në Parlament.