BE padit shtetet që ofrojnë ‘pasaporta të arta’  

Sipas Brukselit, pasaportat po blihen në një numër të madh nga persona të korruptuar

Malta është paditur në gjykatë nga Komisioni Europian për skemën e saj të shitjes së pasaportave, edhe pse vendi ishullor e ka shfuqizuar ligjin që në vitin 2020.

Sipas Brukselit, pasaportat po blihen në një numër të madh nga persona të korruptuar, të lidhur me krimin e organizuar, trafikun e drogës dhe të akuzuar për shkelje të të drejtave të njeriut, transmeton euronews, përcjell Albinfo.ch.

Përveç Maltës, Komisioni i ka kërkuar edhe Qipros që të heqë dorë nga skema. Të dyja vendet kanë shitur pasaporta për disa vjet në një vlerë që përllogaritet në rreth 10 miliardë dollarë nga 2010 deri në 2020.

Shitjen e pasaportave po mendon edhe Shqipëria. Në një vendim të miratuar në fund të muajit korrik, qeveria i hap rrugë bashkëpunimit me PPP me kompani private. Ideja nuk është e re. Ajo qarkullon prej disa kohësh, por në të shkuarën është kritikuar në raportet e Komisionit Europian, që paralajmëron pasoja negative në rrugën e integrimit.

 

---