“BBC” shkruan për kampionin e Kosovës

Tri nga pesë skuadrat me të cilat mund të takohet Trepça ’89 janë New Saints nga Uellsi, Linfield nga Irlanda Veriore dhe Vikingur nga Ishujt Faroe

Trepça ’89 muajin e ardhshëm do të bëhet skuadra e parë kosovare që do të luajë në garat evropiane, pasi që do të luajë në kualifikimet për Ligën e Kampionëve, më 27/28 qershor, shkruan “BBC”, përcjell albinfo.ch.

Skuadra nga Mitrovica është njëra nga katër skuadrat që është licencuar nga UEFA. Kosova është pranuar në maj të vitit 2016 në UEFA, por Feronikeli dhe Prishtina, nuk morën pjesë, pasi nuk u licencuan.

Gjithashtu edhe fituesi i Kupës ose vendi i dytë do të marrin pjesë në kualifikimet për Ligën e Evropës.

Shorti për kualifikimet në Ligën e Kampionëve dhe Ligën e Evropës do të hidhet më 19 qershor, kurse ndeshjet e para do të zhvillohen një javë më vonë.

Tri nga pesë skuadrat me të cilat mund të takohet Trepça ’89 janë New Saints nga Uellsi, Linfield nga Irlanda Veriore dhe Vikingur nga Ishujt Faroe.