BBC: Falimentoi kompania ajrore britanike, bllokohen mbi 150 mijë udhëtarë

Foto Ilustrim

Në një raport të BBC-së, është bërë e ditur se kompania ajrore dhe turistike “Thomas Cook”, me bazë në Britani të Madhe, ka falimentuar.

Autoriteti i Aviacionit Civil i Britanisë së Madhe ka njoftuar se kjo kompani e ka ndërprerë veprimtarinë tregtare me efekt të menjëhershëm.

Falimentimi i saj i ka detyruar autoritetet të përgatisin plane urgjente për kthimin e mbi 150 mijë njerëzve në atdhe, shkruan BBC.

Shefi ekzekutiv i kompanisë “Thomas Cook”, Peter Fankhauser, ka dalë me një deklaratë, duke thënë se falimentimi i firmës është për keqardhje të madhe. Ai gjithashtu u kërkoi falje miliona klientëve dhe mijëra punëtorëve të kompanisë.

Falimentimi i kësaj kompanie të madhe pritet ta sjellë shuarjen e 22 mijë vendeve të punës në mbarë botën, përfshirë 9 mijë vetëm në Britaninë e Madhe, përcjell albinfo.ch.