Bashkëpronari i barit të djegur mbahet në paraburgim për tre muaj

Bashkëpronari i barit në Crans-Montana mbahet në paraburgim

Jacques Moretti, bashkëpronar francez i barit në Crans-Montana që u përfshi nga flakët gjatë festimeve të Vitit të Ri, është ndaluar me burg për një periudhë tre mujore. Autoritetet e kantonit të Valais kanë bërë të ditur se masa është marrë për shkak të rrezikut të arratisjes, përcjell albinfo.ch.

Ndërkohë, Prokuroria Publike do të vazhdojë hetimet për zjarrin tragjik, i cili shkaktoi vdekjen e 40 personave dhe plagosjen e 116 të tjerëve. Hetimi do të përqendrohet gjithashtu në shkeljet e masave të sigurisë në ambientet e lokalit, të cilat dyshohet se kanë penguar pjesëmarrësit të largoheshin në kohë dhe të shpëtonin jetën, shkruan AFP.

Autoritetet kanë theksuar se hetimet janë ende në zhvillim dhe përgjegjësitë penale do të përcaktohen pas përfundimit të tyre.

---