Basha thotë se Rama nuk mund ta luftojë krimin

"Për sa kohë që Edi Rama të jetë në pushtet, do të arrestohen vetëm shoferë dhe do të promovohen drejtuesit e vërtetë të krimit"

Kryetari i Partisë Demokratike, Lulzim Basha ka vazhduar me akuzat ndaj ekzekutivit për kapjen nga krimi dhe droga. Në një konferencë për media Basha thase jeta dhe prona e qytetarëve në Shqipëri, është nën kërcënimin e drogës dhe nuk mund të mbrohen nga ata që  mbollën krimin në vend.

“Edi Rama është i zhytur dhe i kapur nga trafikantët e hashashit dhe kokainës. Për sa kohë që Edi Rama të jetë në pushtet, do të arrestohen vetëm shoferë dhe do të promovohen drejtuesit e vërtetë të krimit. Sot, jeta dhe prona e shqiptarëve është e kërcënuar nga paratë e krimit”, ka deklaruar Basha.