Basha shpalos platformën për dekriminalizimin e politikës

Kryetari i Partisë Demokratike të Shqipërisë, Lulzim Basha, në një konferencë për media ka prezantuar platformën “Çlirimi i ekonomisë, platforma kundër korrupsionit dhe oligarkisë”.

Ai ka deklaruar se marrëdhënia mes krimit dhe politikës ka avancuar edhe në ekonominë shqiptare.

“Kemi të bëjmë me një krizë të trefishtë që ka kapluar vendin: krizën politike, ekonomike dhe morale. Kemi propozuar vettig-un politik si përgjigjeje ndaj këtij problemi kombëtar. Duhet të largohen politikanët e lidhur me krimin dhe që nuk justifikojnë pasurinë”, ka thënë Basha.

Sipas tij, janë dy mënyra se si po pastrohen paratë e pista në Shqipëri, me lejen e Kuvendit. 

“Në Kuvend po legjitimohet pastrimi i parave të pista përmes industrisë së bixhozit dhe aferave korruptive të ndërtimit”, ka shtuar ndër të tjera kreu i PD-së.