Basha përjashtohet nga seanca e Kuvendit

Seanca e Kuvendit të Shqipërisë u ndërpre, pasi opozita qëndroi në foltore, ndërkohë që kreu i Kuvendit, Gramoz Ruçi, e ka përjashtuar kryetarin e PD-së, Lulzim Basha, me arsyetimin se është bllokuar foltorja.

Kreu i Kuvendit të Shqipërisë hodhi poshtë kërkesën e PD-së për debatin për Komisionin e reformës zgjedhore, ndërkohë që me votim u vendos që ky diskutim të shtyhej për javën tjetër. Në vijim të seancës fjalën e ka marrë kryetari i PD-së, Basha, i cili ka kërkuar nga kryetari të mbledhë Konferencën e Kryetarëve për të caktuar ditën e dabatit dhe i ka bërë thirrje atij që të mos vendosë me forcën e kartonëve.

Por, kryekuvendari nuk e ka mbështetur kërkesën e liderit opozitar, duke e hedhur në votim propozimin që nuk kaloi.