Banorëve të Bitsch u ndalohet kthimi në shtëpi për shkak të zjarrit në pyje

Policia kantonale

Zjarri në pyjet pranë Bitsch, Valais ende nuk është vënë nën kontroll, derisa banorëve u është ndaluar të kthehen në shtëpitë e tyre.

Të gjithë ata që kthehen mund të ndiqen penalisht dhe të dënohen me gjobë pasi, komunat e Bitsch dhe Riederalp kanë krijuar një zonë të kufizuar në zonën e zjarrit pyjor, shkruan 20minuten.

“Ne nuk duam t’i lejojmë njerëzit të kthehen në shtëpitë e tyre tani dhe më pas duhet t’i nxjerrim përsëri pas disa orësh nëse situata përkeqësohet,” thotë menaxheri i operacioneve Mario Schaller për Blick.

Elisabeth Fux, duhet të vazhdojë të qëndrojë me miqtë në Naters, pasi ajo u evakuua nga Oberried dhe Ried-Mörel të hënën në mbrëmje.

“Në fillim e pamë tymin, por nuk e menduam shumë. Megjithatë, pak më vonë, thirri një shok që jeton në anën tjetër të luginës. Falë saj, ne kuptuam se diçka e madhe po ndodhte”, thotë Fux, për Blick, përcjell albinfo.ch.

Aktualisht në zonën Bitsch, siç raporton 20minuten, ka filluar një stuhi dhe era është e fortë.