Lajme

Bankomati u hodh në erë në Bremgarten, pranë Bernës

Persona të panjohur kanë hedhur në erë një bankomat në Bremgarten, orët e para të mëngjesit të sotëm, teksa nuk dihet sa para janë vjedhur. Policia e kantonit bëri një apel për dëshmitarë, shkruan Blick, përcjell albinfo.ch.

Në zonën e Kalchacker-Marit pati dy shpërthime, teksa sipas dëshmitarëve, disa persona janë larguar dhe patrullat nuk gjenin më askënd në vend.

Nga gjetjet e deritanishme mësohet se autorët janë tre meshkuj. Ata u larguan me një automjet, ndërsa bankomati u shkatërrua plotësisht dhe ka pasur dëme të konsiderueshme materiale.

Shembjet e bankomatëve janë rritur ndjeshëm në Zvicër vitet e fundit. Të huajt zakonisht godasin në mes të natës ose në orët e para të mëngjesit.