Autoritetet në Francë të kujdesshme me masat anti-Covid

@franboloni

Franca do të dalë me kujdes nga bllokimi më 15 dhjetor, por do t’i nënshtrohet një shtetrrethimi ditor, përfshirë 31 dhjetorin, kurse rihapja e shumëpritur e muzeve, kinemave dhe teatrove do të shtyhet edhe për tri javë, njoftoi sot kryeministri francez, Jean Castex, raporton AFP, përcjell Albinfo.ch.

“Objektivi është të lejojmë të gjithë që të gëzojnë pushimet e fundvitit, por edhe të bëjmë gjithçka për të zvogëluar rrezikun e përjetimit të një bllokimi të tretë në muajt e ardhshëm”, tha ai.

Për Krishtlindje, udhëtimi do të lejohet pa kufizime ose ndalim policie, por kryeministri rekomandoi që të mos ketë më shumë se gjashtë të rritur në të njëjtën kohë në tryezë gjatë kësaj feste të rëndësishme familjare dhe të kufizohen ndërveprimet gjatë pesë ditëve të mëparshme.