Austria, e hapur për vaksinën ruse Covid-19

Keystone (Helmut Fohringer/APA via AP)

Kancelari austriak, Sebastian Kurz, tha të dielën se ishte i hapur ndaj vaksinës Sputnik V të Rusisë ose alternativave kineze që prodhohen në vendin e tij, nëse ato janë të autorizuara në Bashkimin Evropian.

“Ka të bëjë me marrjen e një vaksine të sigurt sa më shpejt të jetë e mundur, mos e ke mendjen kush e bën atë”, i tha ai të përjavshmes gjermane Welt am Sonntag, përcjell albinfo.at.

“Austria sigurisht do të përpiqej të vinte në dispozicion kapacitetin e prodhimit në firmat përkatëse kombëtare nëse prodhuesit rusë dhe kinezë sigurojnë miratimin dhe prodhohen në Evropë … ashtu si prodhuesit nga vendet e tjera”.

Kurz gjithashtu tha se ai vetë do të ishte i gatshëm të merrte vaksinën ruse nëse miratohet.

“E vetmja gjë e rëndësishme është efektiviteti i tyre, siguria e tyre dhe disponueshmëria e tyre e shpejtë, jo lufta gjeopolitike”, shtoi ai.

Kancelarja gjermane, Angela Merkel, gjithashtu ka thënë që Sputnik V mund të përdoret në BE, pasi të dhënat e botuara këtë javë në revistën kryesore mjekësore The Lancet vunë në dukje nivele të larta të efektivitetit, përcjell tutje albinfo.at.