Austri: Numri i viktimave nga Covid-19 kalon mbi 10 mijë

Rasti i parë me koronavirus në Austri ka ndodhur 14 muaj më parë. Që nga ajo kohë më shumë se 10,000 njerëz kanë vdekur si rezultat i infeksionit

Në Austri rasti i parë me fatalitet nga Covid-19 ka ndodhur më 12 mars 2020. Deri më sot, kanë kaluar saktësisht 406 ditë që nga ajo kohë. Të enjten arriti numri në 10,026 persona që vdiqën nga ose me Covid-19, shkruan orf.at.  Vetëm gjatë javës së kaluar janë regjistruar 213 vdekje, përcjell albinfo.at.

Për 100,000 banorë, 112.6  persona kanë vdekur nga korona në Austri.

Bazuar në numrin e popullsisë, vdekjet më të mëdha nga virusi janë shënuar në Steiermark. Deri më tash atje numri ka arritur 157.1 persona të vdekur për 100.000 banorë.

Në Kärnten kishte 139.5 vdekje për 100,000 banorë, në Austrinë e Epërme 113.3 dhe në Vjenë 111.2. Në Burgenland 108.3 për 100,000 banorë, në Austrinë e Poshtme 100.5 dhe në Salzburg 99.9. Numri më i ulët i vdekjeve në raport me popullsinë ishte deri më tani me 80.9 në Tirol dhe 72.5 në Vorarlberg, secila e llogaritur për 100,000 banorë, transmeton albinfo.at.

Ndryshe në raportin e publikuar sot gjatë ditës për 24 orët e fundit, në Austri ishin regjistruar 2405, ndërsa të vdekur +29 persona.

---