Austri: Nga 1 shkurti më shumë se gjysmë milionë certifikatave të vaksinimit u skadon afati

Deri më tash 72.3 për qind e të gjithë popullsisë në Austri kanë vaksinim të dyfishtë, 75 për qind të paktën kanë marr vetëm një vaksinë, ndërkohë 48.4 për qind tashme kanë të tre dozat e vaksinimit

Që nga 1 shkurti, rreth 550,000 pasaporta të vaksinës do të humbasin vlefshmërinë e tyre në Austri. Kjo do të thotë se personat e këtij grupi nëse nuk e bëjnë vaksinimin e tretë, atëherë nuk do të jetë më e mundur të vizitojnë dyqanet apo lokalet e gastronomisë, raporton albinfo.at.

Ekspertët në Austri prej muajsh kanë bërë thirrje për vaksinimin përforcues. Sipas tyre, vaksinimi përforcues rrit ndjeshëm mbrojtjen nga infektimi – gjithashtu mbron nga varianti i Omikronit të virusit, i cili është duke u përhapur masivisht në Austri.

Tri vaksina janë të vlefshme për 270 ditë të tjera

Siç vendosi qeveria më 6 janar, nga 1 shkurti, paralelisht me futjen e vaksinimit të detyrueshëm, zbatohet si vijon: “Seria e parë e vaksinimeve (dy vaksinime ose rikuperim plus një vaksinim) do të jetë e vlefshme për 180 ditë në të ardhmen. Certifikata e vaksinimit të dozës përforcues (tri vaksinime ose rikuperim dhe dy vaksina) është ende e vlefshme për 270 ditë. Certifikatat e vaksinimit ose prova të tjera të vaksinimit janë ende të vlefshme për 270 ditë kur hyni në Austri.

Deri më tash 72.3 për qind e të gjithë popullsisë kanë vaksinim të dyfishtë, 75 për qind të paktën kanë marrë një vaksinë, ndërkohë 48.4 për qind tashmë kanë marrë tri doza vaksinimi, shkruan orf.at.

Kohëzgjatje për fëmijët dhe adoleshentët

Nga 1 shkurti do të ketë një përjashtim për fëmijët nën 18 vjeç: Meqenëse një vaksinim i tretë rekomandohet gjashtë muaj pas të dytës, një vaksinim përforcues për fëmijët do të jetë i vlefshëm për 2010 ditë (rreth shtatë muaj).

---