Atletet zvicerane Künzli në të ardhmen do prodhohen në Shqipëri

Mbi 90 vjet firma e njohur zvicerane Künzli prodhonte atletet e saj në Zvicër, megjithatë në të ardhmen ata do mbajnë mbishkrimin ‘Made in Albania’, shkruan albinfo.ch, duke u bazuar te mediat zvicerane.

Keystone

Pronarja e firmës, Barbara Artmann e kishte mbajtur shumë gjatë prodhimin e atleteve në Windisch AG, derisa tashmë është gjithçka e qartë.

“Është një moment i dhimbshëm. Unë i jam futur kësaj, për të mbajtur prodhimin në një vend zviceran. Ia dola 13 vjet,” tha pronarja Artmann për magazinën ekonomike «ECO» . “Më mirë te ekzistojë gjysma e künzli-it në Shqipëri sesa të shuhet fare. Është momenti më i vështirë i jetës sime”

Shkaku i transferimit të vendit të prodhimit nga Zvicra në Shqipëri është frangu i dobët. Kjo është një mundësi e mirë edhe për ekonominë shqiptare, ku punëtorët shqiptarë që do prodhojnë atletet zvicerane do paguhen sëpaku 400 euro. Ndërsa ato me kualifikim edhe më tepër.

“Kjo i mundëson një zgjatje të prodhimit künzli-t,” tha në fund Barbara.

Künzli është themeluar në 1927 dhe disa herë ka prodhuar atletet edhe për Kombëtaren e futbollit në Zvicër.