Asiston Xhaka

Edhe pse skuadra e tij ka siguruar një vend për garën më prestigjioze për klube, Granit Xhaka, nuk pritet që të qëndrojë edhe një vit në Gjermani

KEYSTONE

Mesfushori i Borussia Moenchengladbachut, Granit Xhaka edhe një herë ka qenë në top formë. Mesfushori prishtinas ka ndihmuar skuadrën e tij në xhiron e fundit të Bundesligas, duke fituar 2:0 ndaj Darmstadtit, dhe duke u renditur përfundimisht në vendin e katërt, pozitë që siguron garat e Ligës së Kampionëve për edicionin e ardhshëm, shkruan albinfo.ch.

Xhaka asistoi në golin e parë të shënuar nga belgu, Thorgan Hazard, në minutën e 31-të. Më pas mysafirët shënuan edhe një herë dhe siguruan vendin e katërt.

Megjithatë, edhe pse skuadra e tij ka siguruar një vend për garën më prestigjioze për klube, Xhaka, nuk pritet që të qëndrojë edhe një vit në Gjermani. Arsenali është vënë seriozisht pas tij, ndërsa së fundi edhe mesfushori kosovar ka thënë se e ardhmja e tij do të qartësohet para fillimit të Kampionatit Evropian.