Arrestohet zv.ministri Musa Cena për keqpërdorim të pozitës zyrtare

Musa Cena, Djathtas

Nën dyshimin për marrje ryshfeti dhe keqpërdorim i pozitës zyrtare është arrestuar një zv.ministëri i Qeverisë së Kosovës.

Policia e Kosovës e ka konfirmuar arrestimin e Zëvendësministrit të Zhvillimit Rajonal, Musa Cena dhe dy personave të tjerë për të njëjtën  arsye. Zëdhënës i Policisë së Kosovës, Daut Hoxha i ka thënë KTV-në se policia ka arrestuar tre persona të involvuar në veprat penale ‘Marrje e Ryshfetit’ dhe ‘Keqpërdorim i Pozitës apo autoritetit Zyrtar, përcjell albinfo.ch.

“Ju informoj Policia e Kosovës pas ndërmarrjes se veprimeve hetimore ka kryer arrestimin e tre personave të dyshuar e të involvuar në veprat penale: Marrje e Ryshfetit dhe Keqpërdorim i Pozitës apo autoritetit Zyrtar sipas kodit penal te Republikës së Kosovës. Të dyshuarit duke vepruar në bashkëkryerje dyshohet se kanë marrë ryshfet nga pala e dëmtuar. Të gjitha veprimet tjera policore do të ndërmerren konform autorizimeve dhe rekomandimeve të organeve kompetente te drejtësisë”, ka thënë  Hoxha.