Arrestohet Ukë Rugova, djali i ish-presidentit Rugova

Burime brenda Policisë së Kosovës thonë se të arrestuarit dyshohet se kanë bashkëvepruar në shitjen e mbi 100 vizave “shengen” në vlerë 3500 euro secilën

Deputeti i Kuvendit të Kosovës dhe djali i ish-presidentit të Kosovës, Ukë Rugova është arrestuar të mërkurën nga policia e EULEX-it nën dyshimin se është përshirë në një rrjet me shitje vizash. Së bashku me Ukë Rgovën janë arrestuar edhe shtatë persona të tjerë.

Burime brenda Policisë së Kosovës thonë se të arrestuarit dyshohet se kanë bashkëvepruar në shitje vizash “shengen”. Njëri nga të arrestuarit është zyrtar i Ambasadës italiane në Prishtinë, Florian Petani, ndërsa konfirmohet edhe arrestimi i Izet Beqirit, shok i Ukë Rugovës.

Siç raportojnë mediet, Petani është zyrtar kryesor për viza në Ambasadën italiane në Prishtinë. Ai është shtetas i Shqipërisë, por, pas martesës me një kosovare, ka marrë edhe shtetësinë e Kosovës.

Ndryshe, deri në mesditë ka vazhduar bastisja e shëtisë së Ukë Rugëps, ose ish shtëpia e presidentit të ndjerë Ibrahim Rugova. Uka është djalë i vogël i ish presidentit, i cili edhe më parë është apostrofuar si person zyrtar që është inkriminuar në çështje korrupsioni.

Avokati mbrojtës i Ukë Rugovës, Bajram Tmava ka deklaruar se ende nuk ka përfunduar bastisja në familjen Rugova. Ai tha si avokat deri në këtë fazë nuk ka asnjë provë që vërteton dyshimin e bazuar.

“Unë jam ftuar gjithashtu nga Ukë Rugova në orët e hershme të mëngjesit në cilësinë e avokatit mbrojtës që të prezantoi në aktin e bastisjes. Nga policia e EULEX-it gjegjësisht nga personi që udhëheq bastisjen kam marr urdhrin e bastisjes në bazë të cilit kam mësuar se dyshohet për krim të organizuar mashtrim për ushtrim ndikimi dhe keqpërdorimin të autorizimit nga neni 422”, ka thënë ai

I pyetur për dyshimet për shitblerjen e vizave, Tmava ka thënë se përveç dyshimit të bazuar në këtë fazë nuk mund të sqarohet pasi nuk ka asnjë provë që vërteton  dyshimin e bazuar.

Sipas gazetës “Zëri” Uke Rugova është arrestuar me dyshimin se është përfshirë në shitje vizash. Fjala është për shitjen e 100 vizave italiane, ne bashkëpunim me një punonjëse te ambasadës italiane. Një vize është shitur për 3500 euro, ndërsa ne këtë gjë janë te përfshirë edhe pese persona te tjerë neper komuna te ndryshme.