CH-Ballkani

Arrestohet në Morinë, pritet ekstradimi në Zvicër

E martë, 26 Qershor 2018 - 11:20 albinfo.ch

Një shtetas i Kosovës, i dënuar për një sërë veprash penale në Zvicër u arrestua nga policia shqiptare në Morinë, me qëllim ekstradimin drejt shtetit zviceran.

I arrestuari është shtetasi me iniciale B.M. 49 vjeçar, përcjell albinfo.ch.

“Ai është arrestuar me qëllim ekstradimi. Ai ishte banues në Suharekë, Kosovë, derisa Gjykata e Horgen, Zvicër, e ka dënuar me 4 vjet e 6 muaj burg, për veprat penale “Vjedhje me dhunë, grabitje, dëmtim kriminal, burgim i rremë dhe hyrje e paligjshme”. Nenet 139, 140, 144, 183 dhe 186, të Kodit Penal Zviceran”, thuhet në njoftim zyrtar të Policisë së Shtetit shqiptar.