Arrestohet kosovari 30-vjeçar që po punonte në të zezë

Përveç kësaj, personi në fjalë kishte edhe një ndalim të mëhershëm të hyrjes në Zvicër

Të mërkurën, më 1 korrik, rreth orës 8:30 të mëngjesit, një 30-vjeçar, shtetas i Kosovës, është gjetur duke punuar si punëtor i paligjshëm në një kantier të madh ndërtimi afër qendrës së lokalitetit Trubach (SG), shkruan polizeiticker.ch.

Tani ai duhet të përgjigjet para prokurorit publik të kantonit të St.Gallenit.

Përveç kësaj, personi në fjalë kishte një ndalim të mëhershëm të hyrjes në Zvicër, transmeton albinfo.ch. Ndaj tij, nën drejtimin e prokurorisë publike të kantonit të St.Gallenit janë ngritur masat përkatëse në përputhje me ligjin për të huajt dhe Kodin penal.

Po kështu do të dënohet edhe punëdhënësi i kosovarit.

Policia kantonale në St.Gallen ishte duke kontrolluar në disa kantiere ndërtimi për të parë nëse po punohej sipas ligjit, kur ka kapur kosovarin në fjalë.

---