Arrestohen tre mërgimtarë, u shkaktuan lëndime trupore dy policëve të Kosovës në Merdar

Dy policë të lënduar nga përleshja në Merdar

Policia e Kosovës ka konfirmuar se dy zyrtarë policorë kanë mbetur të lënduar dhe kanë marrë trajtim për lendime të lehta, pasi disa mërgimtarë i sulmuan sot në pikëkalimin kufitar në Merdar, shkruan albinfo.ch.

Zëdhënësja e Policisë për rajonin e Prishtinës, Florie Ahmeti, ka thënë se lidhur me rastin janë shoqëruar për në stacion tre të dyshuar, si dhe se kanë nisur hetime për veprën “Sulm ndaj personit zyrtar”.

Të arrestuarit janë në paraburgim dhe pritet hetime lidhur me rrahjet e tyre me zyrtarët policorë.

Arsyeja thuhet se ishte kolonat e gjata, tejkalimet që disa mërgimtarë po i bëjnë jashtë rregullave, derisa ata po presin me orë të tëra në kolonat në Merdar.

Një nga mërgimtarët me inicialet U. Avdyli që ishte i pranishëm në kolonë, tha për Albinfo.ch se disa persona të papërgjegjshëm po bëjnë tejkalime të kolonave, duke shkaktuar pakënaqësi te shumica dërmuese e atyre që po presin me orë të tëra.

“Kalon 200 metra kolonën që presim me orë ne dhe pastaj futet në fillim të daljes për në pikën Merdar, kjo edhe për mua dhe të gjithë atyre që presin është e patolerushme dhe jo e hijshme”.

“Pas vënies nën kontroll të situatës dhe shoqërimit në stacion të tre personave të dyshuar, policia në koordinim me prokurorin e shtetit, kanë nisur një hetim për veprën Sulm ndaj personit zyrtar”, thuhet në njoftim.

Lidhur me këtë ngjarje Albinfo.ch do t’ ju mbaj të informuar tutje.

 

---