Arrestohen 11 gra për prostitucion të paligjshëm, 3 prej tyre, shqiptare

21 gratë e kontrlluara vijnë: nga Shqipëria (3), Brazili (7), Maqedonia (1), Serbia (1), Rumania (5) dhe Hungaria (1)

Policia e Luzernit ka realizuar javën e kaluar një kontroll të koordinuar në një bar kontakti në Sursee. Si rezultat, janë arrestuar njëmbëdhjetë gra, shkruan radio-luzern.ch. Ndërsa 21 janë kontrolluar.

Ndër të tjera, ata akuzohen se kanë punuar në mënyrë të paligjshme në prostitucion, transmeton albinfo.ch. Për më tepër, shtatë nga këto gra akuzohen se kanë shkelur detyrimin për të raportuar mbi qëndrimin e tyre në Zvicër.

Kontrolli është bërë të enjten në mbrëmje (më 27 shkurt, 20 shkurt) në qytetin  Sursee. Policia e Lucernit ka kontrolluar me atë rast gjithsej 21 gra në një “bar kontakti”.

Tek gratë në fjalë janë gjetur dhe sekuestruar disa mijëra franga. Gratë vijnë: nga Shqipëria (3), Brazili (7), Maqedonia (1), Serbia (1), Rumania (5) dhe Hungaria (1).

Zyra për Migrim ka nxjerrë udhëzime për dëbim nga Zvicra të këtyre grave dhe për ndalimin e hyrjes së tyre në Zvicër.

Hetimet po i zhvillon Prokuroria publike e Sursee-së.

---