Kosova

Arifi: Pa Luginën e Preshevës nuk ka marrëveshje Kosovë-Serbi

Kërkohet përfshirja e Luginës së Preshevës si një temë thelbësore në kapitullin e ri të dialogut

E hënë, 14 Qershor 2021 - 23:59 albinfo.ch

Kryeministri Albin Kurti nesër do të takohet për herë të parë me presidentin serb, Aleksandar Vuçiq.

Për këtë takim ka shkruar edhe ish-kryetari i Preshevës, Shqiprim Arifi, i cili bën thirrje që pjesë e bisedimeve të përfshihet edhe Lugina e Preshevës.

Arifi thotë se nuk ka marrëveshje pa Luginën e Preshevës.

“Nesër rifillon “dialogu i ri“ midis Kosovës dhe Serbisë. Ne bëjmë thirrje për përfshirjen e Luginës së Preshevës si një temë thelbësore në kapitullin e ri të dialogut”.

“Gabimet e së kaluarës, duhet të shërbejnë si mësime për të ardhmen”.

“NUK ka marrëveshje pa Luginën e Preshevës “, shkroi Arifi.