Ardiani, më 31 maj, me singlin e tij veror

Singli i tij që pritet të bëhet një hit veror „Want U Now“, është realizuar në bashkëpunim me kompozitorin e njohur anglez Tony T.

Ylli muzikor i zbuluar në spektaklin gjerman DSDS, Ardian Bujupi pas një „xhiroje“ që bëri në Shqipëri, ku, veç tjerash mori pjesë në festivalin e atjeshëm të këngës, do të bëjë një rifillim në skenën e muzikës gjermane.

Singli i tij që pritet të bëhet një hit veror „Want U Now“, i realizuar në bashkëpunim me kompozitorin anglez Tony T., publikohet më 31 maj.

Ardiani shprehet për mediet gjermane se ndjehet shumë i nderuar që ka mundur të bashkëpunojë me një emër të tillë të madh të muzikës si Tony T.

„Ne së bashku e kemi krijuar këngën hit të verës së vitit 2013. Për këtë jam pothuajse i sigurt“, thotë Ardiani. „Për mua është me rëndësi në këtë rast që vazhdimisht të zbuloj vlera të reja në vetvete. Pas singleve „Make You Mine“ dhe „Penthouse“ unë me këtë këngë kam mundësi të dëshmoj edhe një herë diversitetin tim muzikor“.