Apple me pajisje të veçantë para vitit 2020

Apple raportohet se është duke punuar në një pajisje të “realitetit të shtuar” (AR), dhe duket se kjo do të vijë para vitit 2020.

Sipas raportimit të “Bloomberg”, pajisja do të ketë një ekran të vetin që fuqizohet nga një çip dhe një sistem operativ. Kjo do t’i mundësonte funksionimin e pajisjes si të ndarë dhe që nuk ka nevojë të funksionojë bashkë me një iPhone. Akoma nuk është e qartë nëse kjo pajisje do t’i ngjajë HoloLens të Microsoftit, transmeton Albinfo.ch.

Shefi ekzekutiv i kompanisë, Tim Cook, vazhdimisht ka shprehur interesimin e tij në realitetin virtual duke thënë se është diçka që e detyron të “bërtasë”. “AR do të ndryshojë mënyrën se si ne e përdorim teknologjinë përgjithmonë”, ka thënë ai së fundmi.

“Realiteti i shtuar” është teknologji që vendos pamje të caktuara në jetën reale, sikurse opsionet që tashmë ekzistojnë në disa rrjete sociale.