“Apple” dënohet me 25 milionë euro, ngadalësoi qëllimshëm iPhone-t e vjetër

U dënua për ngadalësimin e qëllimshëm të modeleve më të vjetra të iPhone, pa i informuar konsumatorët

Është bërë e ditur se gjiganti i pajisjeve teknologjike më të shitura në treg është gjobitur me 25 milionë euro.

Thuhet se “Apple” mori këtë gjobë, pasi akuzohet për ngadalësimin e qëllimshëm të modeleve më të vjetra të iPhone pa i informuar konsumatorët, transmeton albinfo.ch.

Gjoba u vendos nga DGCCRF, mbikëqyrësi i konkurrencës dhe mashtrimit në Francë, i cili tha se përdoruesit nuk ishin paralajmëruar.

Në vitin 2017, Apple konfirmoi se ngadalësoi disa iPhone, por tha se e bëri këtë vetëm për të “zgjatur jetën” e pajisjeve.

Mbikëqyrësi francez tha se pronarët e iPhone “nuk ishin të informuar se instalimi i përditësimeve të iOS (10.2.1 dhe 11.2) mund të ngadalësonte pajisjet e tyre”.

Si pjesë e marrëveshjes, Apple duhet të shfaqte një njoftim në faqen e tij në gjuhën frënge për një muaj. Ajo thotë se Apple “kreu krimin e praktikës mashtruese tregtare me anë të mosveprimit” dhe kishte pranuar të paguante gjobën.

 

Përse Apple i ngadalëson iPhone-t e vjetër?

Shumë klientë kishin dyshuar prej kohësh që Apple ngadalësoi iPhone-et më të vjetër për të inkurajuar njerëzit të blejnë pajisjet e reja.

Në vitin 2017 kompania konfirmoi se bëri të ngadalësojë disa modele ndërsa vjetrohen, por jo për të inkurajuar njerëzit që të blejnë të tjera.

Ai tha që bateritë litium-jon në pajisje u bënë më pak të afta për të furnizuar kërkesat aktuale kulmore, pasi vjetrohen me kalimin e kohës.

Kjo mund të rezultojë në mbylljen e papritur të iPhone për të mbrojtur përbërësit e tij elektronikë, përcjell albinfo.ch.

---