Anulohet ekspozita nga frika e reagimit islamik

Për të mos nxitur zemërimin e bashkëqytetarëve të besimit islamik, Instituti parisien i botës arabe ka anuluar një video-instalacion të planifikuar më parë të një artisti maroken.

Arti në Francë po censurohet për tu kursyer nga ajo që myslimanët e atjeshëm mund ta ndjejnë si provokim të ndjenjave të tyre fetare, shkruan gazeta parisiene “Le Figaro”.

Artisti, me veprat  e tij dëshironte të protestonte për heshtjen e intelektualëve arabë me rastin e përtëritjes së thirrjes për vrasje (fatwa) të shkrimtarit Salman Rushdie. Këtë dënim atij ia kishte shqiptuar rreth 25 vjet më parë kreu i revolucionit islamik të Iranit Homeini.

Qendra  kulturore dhe artistike arabe në Paris financohet nga më shumë se 20 shtete arabe dhe nga Franca.