Anulohen dy udhëtime me autobusë për Beograd

Drejtori i Stacionit të Autobusëve në Prishtinë, Ylber Çitaku ka thënë se disa grupe të caktuara po nxitin të rinjtë që të ikin nga Kosova

Në ditën e mërkurë janë nisur tre autobusë nga Prishtinë për në Beograd, por të enjten vetëm dy. Ai i orës 22:00 dhe 23:00 janë anuluar dhe vetëm në orën 22:30 një autobus nga Prishtina është nisur në drejtim të Beogradit.

Këtë e ka konfirmuar edhe drejtori i Stacionit të Autobusëve në Prishtinë, Ylber Çitaku për televizionin publik të Kosovës.

Ai ka theksuar se dy udhëtimet janë anuluar, pasi biletat po kthehen, kurse për atë të orës 22:30 janë shitur vetëm 15 bileta, përcjell albinfo.ch.

Sipas Çitakut ka grupe të njerëzve që kanë shkuar në stacion për të nxitur njerëzit që të ikin.

Ai ka nënvizuar se më shumë ka kureshtarë sesa njerëz që duan vërtet të largohen nga Prishtina për në Beograd, madje shumë ndalen edhe në Podujevë.

https://web.facebook.com/rtklivecom/videos/10155381137203859/