Anglia u jep fund masave të izolimit për shkak të COVID-19

(KEYSTONE/AP Photo/Frank Augstein)

Të gjitha kufizimet e vendosura për shkak të Covid-19 do të përfundojnë në Angli të enjten dhe testimi masiv falas do të ndalojë që nga 1 prilli.

Sipas mediave britanike, përcjell Telegrafi, kryeministri Boris Johnson u tha deputetëve se detyra ligjore për t’u izoluar për ata që rezultojnë pozitivë do të hiqet, pasi ai zbuloi planin e tij “të jetosh me Covid”.

Ndërsa që nga 1 prilli ofrimi i testimit falas do të synohej për më të cenuarit, tha Boris Johnson.

Sidoqoftë, duke folur në një konferencë shtypi në Downing Street të hënën në mbrëmje, Johnson tha se “sot nuk është dita kur mund të shpallim fitoren mbi Covid-19, sepse ky virus nuk po largohet”.

Ai e përshkroi pandeminë si “dy nga vitet më të errëta, më të zymta në historinë tonë të kohës së paqes”.

Megjithatë, ai tha se kombi kishte kaluar kulmin e Omicron, me raste në rënie dhe pranimet në spital.