Ammann: Zvicra, e izoluar në sferën e tatimeve

"Dallimi në mes të mashtrimit në tatime dhe shmangies së tatimeve, në raportet ndërkombëtare nuk njihet"

Pasuritë e pa tatuara përbëjnë problem serioz për Zvicrën, ka thënë ministri i financave, Johann Schneider Ammann. Sipas tij, debati me SHBA-në në këtë kontekst do të jetë mjaft i ashpër.

Kjo, për faktin se Zvicra, shikuar nga kjo pikëpamje, është e izoluar, ka thënë Ammann në një intervistë për mediet zvicerane. Ai ka shtuar se dallimi në mes të mashtrimit në tatime dhe shmangies së tatimeve, në raportet ndërkombëtare nuk njihet.

Fundja, edhe sekreti bankar, sipas tij, nuk është krijuar për të bërë biznese nga paratë e tërhequra nga shmangia e detyrimit për të paguar tatimet.

Si viktimë e konfliktit të taksave ka rënë banka private Wegelin,e cila së fundi është blerë nga grupi Raiffeisen.