Amir Abrashi transferohet te Freiburgu

Amir Abrashi (25) lë Grasschopersin dhe shkon në Freiburg, Bundesliga e dytë gjermane

Mesfushori do të ndërrojë skuadrën në sezonin e ardhshëm. Abrashi është transferuar nga ekipi zviceran Grashopers te Freiburgu, skuadër e cila sezonin e ardhshëm do të luajë në Budesligën e dytë gjermane. Ekipi gjerman përmes një postimi në rrjetin social Facebook, i uroi mirëserdhje mesfushorit 25-vjeçar, duke e cilësuar si një prej përforcimeve më të mira në sezonin e ardhshëm.

Nga 2002 Amir Abrashi vijon në Thurgau një shkollë sporti, para se prindërit e tij të vijnë në Winterthur. Atje ai bashkohet me FCW dhe më 2008 ka debutuar në ekipin e parë. Më 2010 Abrashi si huazim kalon në Grashopers GC, ndërsa një vit më vonë nënshkruan një kontratë 3-vjeçare.

Ai është një nga meritorët në fitoren e Kupës së Zvicrës më 2013. Abrashi ka luajtur edhe për U-18, U-19, U-20 dhe U-21.

Në fillim të qershorit 2013 Abrashi kishte njoftuar se nuk do të luajë për Zvicrën, por për ekipin shqiptar.

Për kohëzgjatjen e kontratës nuk është bërë e ditur. Ekipi i trajnerit Christian Streich vërtet ka reduktuar shpenzimet në disa milionë, por po planifikon një kthim të menjëhershëm në Bundesligë.