Amerikë, kjo është kënga më e dëgjuar e Dua Lipës

facebook, profile Dua Lipa

Kënga quhet “Levitating”, e cila e mbylli vitin 2021 si kënga më e dëgjuar në Amerikë, transmeton albinfo.ch.

Vet Dua Lipa e ka bërë të ditur lajmin se “Levitating” ishte kënga me e dëgjuar e vitit 2021 në USA, me 805 milion kërkesa”.

Muzika ishte e pashmangshme dhe dominonte valët e radios dhe platformat e transmetimit me versione të ndryshme, duke lëvizur në një numër të pabesueshëm shitjesh në vetëm 12 muaj, shkruan Forbes.

Sipas raportit të fundit të vitit 2021 të MRC Data, “Levitating” ishte kënga më e dëgjuar në ShBA.  Dokumenti e rendit atë si një këngë solo, por për shumë muaj, versioni më i popullarizuar i këngës ishte ai me reperin DaBaby. Pasi ky i fundit bëri një skandal të madh mediatik me komentet e tij homofobike në një koncert, shumë fansa u rikthyen për të dëgjuar versionin origjinal dhe solo të këngës.

“Levitating” dominon listën e këngëve më të dëgjuara dhe të shitura të vitit 2021 me më shumë se 700,000 njësi ekuivalente, duke kapur lehtësisht vendin e parë. Artistja Olivia Rodrigo renditet në të dy vendet, të dytin dhe të tretin respektivisht me “Drivers License” dhe “Good 4 U”. Kënga e parë, e cila njëherësh është edhe kënga e saj debutuese, shiti më shumë se 5.05 milionë kopje ekuivalente, duke u dalluar si e vetmja këngë tjetër që ka arritur shifrën e pesë milionë shitjeve. “Good 4 U” iu afrua arritjes së këtij pragu, duke shënuar gjithsej 4.813 milionë njësi ekuivalente.