Amerikanët shijuan fenomenin e rrallë astronomik, eklipsin e plotë të diellit

Miliona njerëz në Shtetet e Bashkuara të Amerikës kanë përjetuar pamjen e pazakontë të eklipsit të plotë të diellit, siç nuk shihet në historinë 241-vjeçare të vendit, raporton BBC, përcjell albinfo.ch.

Ngjarja emocionuese mund të shihet nga banorët e Shteteve të Bashkuara nga Oregoni, në perëndim të vendit, deri në Karolinën e Jugut, në bregun lindor. Rreth 12 milionë amerikanë jetojnë në atë rajon, ku mund të shohin këtë fenomen të rrallë, i cili, sipas disa informacioneve, është ngjarja më e fotografuar dhe më e mirë e dokumentuar në historinë njerëzore.

Eklipsi i diellit është një fenomen astronomik që ndodh kur dielli hedh hijen e hënës në planetin Tokë, i cili mund të ndodhë vetëm kur hëna shtrihet midis Tokës dhe Diellit.