Ambiciet e një futbollisti: U kualifikuam në Kampionatin Evropian, pse jo edhe në Botëror

Futbollisti shqiptari, Ezgjan Alioski, ka ambicie të tjera për kombëtaren e Maqedonisë

Ezgjan Alioski është futbollisti shqiptar, i cili për faqen e FIFA-s ka thënë se Kupa e Botës në Katar është qëllimi tjetër i Maqedonisë së Veriut, transmeton albinfo.ch.

“E po, si çdo fëmijë që stërvit futboll, unë u rrita me ëndrrën që një ditë do të luaja në Kupën e Botës, Kampionatin Evropian dhe Champions League. Kam arritur njërin nga ato dy qëllime, me ekipin kombëtar të Maqedonisë këtë verë do të luaj në Euro 2020. Sigurisht, sfida tjetër, hapi tjetër për mua dhe ekipin kombëtar, qëllimi tjetër është kualifikimin në Kupën e Botës në Katar. Këtu, ne mundëm Gjermaninë në grup. “Pse të mos shpresojmë për një sukses të tillë?”, tha Alioski, anëtar i Leeds Utd.

---