Alarm për mobilizimin e serbëve në veri

Përfaqësuesi i serbëve të veriut, Krstimir Pantiq u ka bërë thirrje të gjithë bashkëkombësve të tij që i kanë mbi 17 vjet, që të barrikadohen në rrugët e këtij rajoni për të penguar lëvizjen e lirë të KFOR-it. Ndërsa përfaqësuesit në Prishtinë kërkojnë nga KFOR-i që t’i përmbushe detyrat për çka është ardhur-lëvizjen e lirë.

Kërcënimi i Pantiqit ka ardhur pas aksionit të djeshëm të KFOR-it për largimin e barrikadës në fshatin Rudarë, aksion ky që rezultoi me pesë persona të plagosur, në mesin e tyre dy ushtarë të KFOR-it.

Ndërsa ministri i rendnit, Bajram Rexhepi tha se gjendja në veri është e qetë, por shume brishtë. Ai kërkoi nga KFOR-i që të përmbushë detyrat për çka është i determinuar, në vendosjen e lirisë së lëvizjes.

Dy paqeruajtësit e KFOR-it janë qëlluar nga snajperistë serb në veri të Kosovës, deklaroi zëdhënësi i kësaj trupe, Uve Novicki. Ai tha se KFOR-i ka shtënë në drejtim të tyre.

“Janë plagosur nga spnajperistët. Njeri nga ushtarët e plagosur është trajtuar nga bazën amerikane të NATO- s në Bonstell, ndërsa është liruar për përkujdesje nga njësia e tij” deklaroi Novicki, duke e dënuar këtë akt dhune.

Ndërsa Ministri Rexhepi tha se në komunat e veriut janë të dislokuar grupe të ndryshme ekstreme, përfshirë edhe njësitet e MUP-it serbë. Në një intervistë dhënë për mediet në Kosovës, Rexhepi kërkoi nga paqeruajtësit e KFOR-it që mos te merren me politikë, por të ushtrojnë detyrat e sigurisë.

Ky reagim pasoi një deklaratë komandantit të KFOR-it, Erhard Drews se situata në veri duhet të zgjidhjet politikisht. Rexhepi tha se politikanët janë ata që bëjnë punën e vet, ndërsa ushtarët punën e sigurisë.