Akullnajat zvicerane po zhduken me shpejtësi rekorde

Keystone

Një studim i ri tregon se akullnajat e Zvicrës kanë humbur më shumë se gjysmën e vëllimit të tyre në më pak se 100 vjet, dhe kjo verë e gjatë e nxehtë ka përshpejtuar humbjen e akullit.

Akullnajat tërheqin skiatorë dhe alpinistë por ato janë gjithashtu thelbësore për furnizimin me ujë të Evropës, shkruan bbc transmeton albinfo.ch

Akullnajat tërheqin për vizitë skiatorë dhe alpinistë, por ato janë gjithashtu kyçe për furnizimin me ujë të Evropës.

“Ne jemi ndoshta ndër njerëzit e parë që ecën këtu. Ju mund ta shihni këtë shkëmb të madh duke dalë nga akulli, dhe 45 ose 50 vjet më parë ishte plotësisht në akull dhe ne nuk mund ta shihnim atë. Nëse shohim ndryshimet, ato janë të mëdha. Kur po ndërtonim këtë teleferik, na u desh të gërmonim pesë deri në shtatë metra thellë për shkak të nivelit në të cilin ishte. Kjo ishte 23 vjet më parë, dhe shikoni ku është akullnaja tani. Ajo do të ndryshojë shumë shpejt në vitet e ardhshme. Na bën të mendojmë me kujdes për të ardhmen, për ujin dhe akullnajat, sa kohë do të jetë me ne në Zvicër dhe në mbarë botën. Është e trishtueshme ajo që po ndodh, ne mund të kontribuojmë në ngadalësimin e shkrirjes, por ne nuk mund ta ndalojmë plotësisht, të paktën jo në këtë lartësi”, ka thënë Bernhard Tschannnen.

Shkëmbi i shfaqur në video ishte i mbuluar nga akulli për mijëra vjet, dhe tani është ekspozuar për shkak të shkrirjes së akullit. Akullnajat zvicerane janë tkurrur me më shumë se gjysmën e tyre në shekullin e kaluar dhe po zhduken me një shpejtësi rekord pas valëve të të nxehtit që u regjistruan këtë verë.