Aktorja Fatlume Bunjaku do ta përfaqësojë Shqipërinë në “European Shooting Stars 2026”

Programi çdo vit zgjedh rreth 10 aktorë/aktore nga 37 vende të Evropës, të cilët konsiderohen talente me potencial të madh ndërkombëtar

Aktorja, Fatlume Bunjaku, do ta përfaqësojë Shqipërinë në “European Shooting Stars 2026”.

Lajmin u konfirmua nga “European Film Promotion”. Çdo vit në mes të dhjetorit “European Film Promotion” bashkë me festivalin e filmit Berlinale publikon listën e emrave fitues të aktorëve më të talentuar evropianë që do t’i përfaqësojnë vendet e tyre në programin më prestigjioz të kinematografisë evropiane European Shooting Stars, transmeton albinfo.ch.

Fatlume Bunjaku bashkë me dhjetë aktorë të tjerë do të jenë në qendër të vëmendjes nga gjithë industria e filmit ndërkombëtar si: producentë, casting director, agjentë, regjisorë e medie nga e gjithë bota.

“European Shooting Stars” është një program prestigjioz që organizohet çdo vit nga “European Film Promotion (EFP)”, si pjesë e Festivalit Ndërkombëtar të Filmit në Berlin (Berlinale) dhe ka për qëllim të promovojë aktorë të rinj dhe premtues nga Evropa për t’i ndihmuar të ndërtojnë një karrierë ndërkombëtare në film dhe televizion.

Programi çdo vit zgjedh rreth 10 aktorë/aktore nga 37 vende të Evropës, të cilët konsiderohen talente me potencial të madh ndërkombëtar.

Ky vlerësim vjen falë interpretimit të saj mbresëlënës në filmin HANA, një rol që po tërheq vëmendjen e profesionistëve dhe kritikës evropiane të filmit.

---