Aksidentohet familja kosovare, gjashtë të lënduar rëndë

Në mëngjesin e të dieles, në autostradën A8 të Austrisë ka ndodhur një aksident i rëndë në të cilin, lëndime shkallësh të ndryshme kanë pësuar gjashtë persona, të gjithë anëtarë të një familjeje kosovare.

Nga përplasja e fuqishme për murin ndarës të autostradës, makina me gjashtë udhëtarët është hedhur në ajër disa metra dhe ka kaluar murin ndarës dhe ka mundur të ndalet vetëm pasi është rrotulluar disa herë përskaj rrugës.

Përplasja e fuqishme, i ka hedhur po ashtu në ajër katër nga gjashtë udhëtarët e makinës. Dy të tjerë, ngasësja, 22 vjeçe dhe babai i saj 49 vjeçar kanë mbetur në makinë.

Lëndimet më të rënda i kanë pësuar nëna, 47 vjeçe dhe njëera nga motrat, 20 vjeçe të shoferes. Një vëlla 13 vjeç dhe një motër 17 vjeçe kanë pësuar po ashtu lëndime.

Të gjithë, gjashtë të lënduarit janë bartur me katër autoambulanca në spitalet e afërta.