Shqipëri
Akomodimet turistike në Shqipëri, me rritjen më të lartë ndër vendet europiane
Shqipëria rekord në turizëm, Eurostat: Ecurinë më të mirë në Europë për 2023
Shqipëria ka përjetuar në 6 muajt e parë të vitit ecurinë më të mirë të turizmit në historinë e saj, duke shënuar rekorde europiane, përcjell albinfo.ch.
Të dhënat e publikuara nga Eurostat mbi net qëndrimet në akomodimet turistike, që përfshijnë hotele, apo akomodime të tjera afatshkurtra për turizëm me kampingje e kampera, tregojnë se Shqipëria ka rritjen më të madhe vjetore në krahasim me mesataren europiane dhe të gjitha shtetet e Europës.
Net qëndrimet në akomodimet turistike në 6-mujorin e parë 2023 në Shqipëri u rritën me 44.1% në krahasim me të njëjtën periudhë të një viti më parë, në raport me 12.9% që ishte mesatarja e Bashkimit Europian.
Pas Shqipërisë renditet Qipro, me rritje 39.1% të net qëndrimeve për të njëjtën periudhë, e ndjekur nga Mali i Zi me 37.2%, Malta me 30.5%.
Për periudhën janar-qershor 2023 Shqipëria kishte gjithsej rreth 1.7 milionë net qëndrime, pothuajse njëlloj sa Mali i Zi (1.79 milionë), ndërkohë që në vitin 2019 Mali i Zi kishte gati dyfishin e net qëndrimeve të Shqipërisë (1.5 milionë, kundrejt 806 mijë), sipas statistikave të Eurostat.
Të dhëna të tjera të Bankës së Shqipërisë bënë të ditur pak ditë më parë se në 6-mujorin e parë të vitit 2023 shpenzimet e të huajve që kanë udhëtuar në Shqipëri arritën në total 1.55 miliardë euro. Kjo është shifra më e lartë e regjistruar ndonjëherë pas viteve ’90 dhe reflekton kthimin e Shqipërisë në një destinacion të preferuar turistik këtë vit. Shpenzimet e të huajve për udhëtime janë rritur me 37% në krahasim me të njëjtën periudhë të një viti më parë.
INSTAT ka bërë të ditur se në periudhën janar-qershor, numri i shtetasve të huaj që kanë hyrë në territorin shqiptar është 3.396.932. Ky numër është rritur me 33 %, krahasuar me të njëjtën periudhë të vitit 2022.
Sa i takon kombësisë së turistëve, sipas Ministrisë së Turizmit, kryesojnë shqiptarët e Kosovës, me 40% të totalit., për t’u pasuar nga italianët, 9% ose 310 mijë vizitorë dhe nga Maqedonia e Veriut dhe Mali i Zi, që janë respektivisht grupi i tretë dhe i katërt.
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?