Ajri i ndotur shkakton probleme tek eshtrat

Ekspozimi në ajër të ndotur rrit shanset për dëmtim të eshtrave, pasi shkakton humbjen e dendësisë së mineraleve.

Sipas një hulumtimi të ri të “Columbia University’s Mailman School of Public Health” rreziku për thyerje të eshtrave është më i madh te komunitetet që jetojnë në ajër më të ndotur, transmeton Albinfo.ch.

“Përpos përfitimeve të tjera të ajrit të pastër, sipas hulumtimit tonë, përfitim janë edhe eshtrat e shëndetshme dhe parandalimi i dëmtimit të tyre”, sipas Andrea Baccarellit nga ekipi i hulumtuesve në SHBA. “Dekada të hulumtimeve kanë treguar se ajri i ndotur shkakton probleme kardiovaskulare e të frymëmarrjes”.

Në studim u përfshin rreth 9 milionë njerëz mes viteve 2003 dhe 2010. Gjatë kësaj analize u kuptua se në vendet ku kishte ajër më të ndotur pati mungesë të mineraleve dhe pati probleme me eshtrat te njerëzit. Te këta njerëz pati dobësim të eshtrave dhe ishin më lehtë të thyeshëm.