Ajeti në listën e gjerë të Zvicrës

Sulmuesi i Baselit, Albian Ajeti, është në listën e gjerë të Zvicrës për dy ndeshjet e muajit shtator

Albian Ajeti, KEYSTONE

Sulmuesi shqiptar, Albian Ajeti, pritet të ftohet nga Zvicra për ndeshjet e shtatorit.

Kështu shkruan ‘Blick’, që bën të ditur se Ajeti së bashku me katër futbollistë të Young Boysit janë në listën e gjerë prej 40 lojtarëve, përcjell albinfo.ch.

Vladimir Petkoviq ka ftuar disa lojtarë të rinj për takimin kundër Islandës në Ligën e Kombeve më 8 shtator në St. Gallen dhe kundër Anglisë, në miqësoren që do të zhvillohet katër ditë më vonë.

Ndër emrat e rinj është edhe Albian Ajeti. Ai ishte golashënuesi më i mirë i Superligës sezonin e kaluar dhe kandidat për t’u ftuar në Kupën e Botës. Katër muaj më pas ka ardhur rasti për të.

Në këtë listë ka shumë emra të rinj, derisa mund të jetë edhe Blerim Xhemaili, 32-vjeçar, i cili nuk është në planet e Vladimir Petkoviqit për të ardhmen.