Ajeti: Do të luajë për Shqipërinë ose për Zvicrën

Albian Ajeti kaloi nga Baseli në Augsburg, duke bërë një hap para në karrierën e tij. Ai ka deklaruar se atë e ka kërkuar edhe Barcelona, por nuk u transferua për një arsye të cuditshme.

“Kam idhull Suarezin, por unë nuk kafshoj si ai. Nëna më ndaloi që të bëhem pjesë e Barcelonës”, ka deklaruar Ajeti për “Bild”, përcjell albinfo.ch.

Ajeti ka theksuar se shumë shpejt do të vendosë nëse do të luajë për Shqipërinë ose Zvicrën.

“Kisha dëshirë që ta shtyja vendimin pas Evropianit, mirëpo diçka të tillë nuk mund ta bëj. FSHF-ja më ka kërkuar që të vendos brenda disa javësh, përpara kompeticionit në Francë”, është shprehur 18-vjeçari.