Afaristët turq të interesuar për Kosovën

Afaristët dhe deputetët nga Turqia shprehen të interesuar për investime në Kosovës

Një grup afaristësh turq nga 6 sektorë të ndryshëm të bizneseve janë shprehur të kënaqur me klimën e investimeve në Kosovë dhe kanë shprehur gatishmëri që të investojnë në fushë e bujqësisë, energjisë, minierave, turizmit shëndetësisë dhe të ndërtimtarisë.

Delegacioni 50 anëtarësh nga Turqia, përfshirë këtu edhe deputetë nga Kuvendi i Turqisë, Muzaffer Yurttaş e Rifat Sait, kanë vizituar të dielën Mitrovicën, në kuadër të vizitës së tyre në Kosovë.

Me këtë vizatë ata e kanë përmbyllur ciklin e vizitave në Kosovë, ndërsa kanë takuare dhe përfaqësuesit e Qeverisë së Kosovës edhe institucione e ekonomike vendore.

Ata janë interesuan edhe për projekte konkrete ku do të mund të investonin vet ose në partneritet. Interesimi i veçantë i tyre ishte plotësimi i nevojave të konsumatorëve të Kosovës me produkte deficitare ose me produkte të cilat sigurohen me vështirësi ose që nuk kanë siguri të mjaftueshme konform Ligjeve e standardeve në fuqi.

Pas marrjes së informative të duhura nga nikoqirët, afaristët dhe deputetët e Kuvendit nga Turqia u shprehën të kënaqur me përmirësimet e kushteve të bashkëpunimit ekonomik të Kosovës me Turqinë, me sigurinë e investimeve dhe veçanërisht me faktin se “Kosova i ka nënshkruar 32 dokumente bashkëpunimi me Turqinë, ose më shumë se me do shtet tjetër”

Aktualisht Turqia konsiderohet partneri me serioz i Kosovës në fushën ekonomike. Bashkëpunimit në këtë sferë i kanë kontribuuar edhe bashkëkombësit shqiptarë që jetojnë në Turqi. Edhe në këtë takim, dy ligjvënësit e Parlamentit Turk, Muzaffer Yurttaş e Rifat Sait ishin me prejardhje nga Kosova.