Lajme
Aeroporti i Cyrihut, ndër më të sigurtët në rajon

Aeroporti i Cyrihut është renditur ndër më të sigurtët në rajon, duke zënë vendin e tretë në një krahasim me 31 aeroporte gjermane dhe zvicerane. Në krye të listës u pozicionuan aeroportet e Leipzig-ut dhe Mynihut, ndërsa Gjeneva dhe Bazeli mbetën në fund të renditjes, përkatësisht në vendet 26 dhe 30, shkruan swissinfo, transmeton albinfo.ch.
Renditja është bërë nga Vereinigung Cockpit (VC), shoqata gjermane e pilotëve, e cila që nga viti 1978 analizon sigurinë e aeroporteve sipas standardeve ndërkombëtare. Këtë vit, për herë të parë në këtë proces u përfshinë edhe pilotë nga Aeropers, shoqata e pilotëve profesionistë të linjave ajrore zvicerane SWISS dhe Edelweiss.
Sipas njoftimit për shtyp të lëshuar nga Aeropers, vlerësimi fokusohet në faktorët e sigurisë nga perspektiva e pilotëve, përfshirë ndërhyrjet në pista, sinjalistikën, infrastrukturën tokësore dhe komunikimin me kullat e kontrollit. Problemet me qasjen e paautorizuar në pista u përmendën si një ndër shqetësimet më të mëdha në nivel global.
“Incidentet në aeroporte janë të përditshme – nga ndërprerjet e vogla e deri te aksidentet fatale. Prandaj, vlerësime të tilla janë thelbësore për të identifikuar dhe përmirësuar mangësitë që mund të rrezikojnë sigurinë ajrore,” thuhet në komunikatë, transmeton albinfo.ch.
Si shembull i pasojave të mundshme tragjike përmendet aksidenti në aeroportin e Milano Linate në vitin 2001, ku mbi 100 persona humbën jetën pas përplasjes së dy avionëve për shkak të sinjalistikës së gabuar.
Aeroporti më i madh që u vlerësua, Frankfurti, u rendit në vendin e 14-të, ndërsa aeroporti i ri Berlin-Brandenburg zuri vendin e 15-të. Lübeck, në Gjermaninë veriore, doli i fundit në renditje.
Aeropers njoftoi se do të vazhdojë të monitorojë dhe të vlerësojë sigurinë në tre aeroportet kryesore të Zvicrës – Cyrih, Gjenevë dhe Bazel – në baza vjetore, në bashkëpunim me Shoqatën Gjermane të Kabinave të Avionëve, transmeton albinfo.ch.
Të tjera nga Lajme
E-Diaspora
-
Dënim i përjetshëm kosovarit, për vrasjen e “dyshes” së një gruaje Një grua 23-vjeçare është therur disa herë për vdekje në mënyrë që një grua me pamje...
-
Esat Bytyqi në mesin e arkitektëve më të mirë në Austri
-
Riola e Hira, dy yjet shqiptare të pianos nga Italia
-
Astrit Krasniqi diplomon me nderime nga Akademia Policore e Nju-Jorkut
-
“Me zemër për Diasporën”, panairi i grave në Prishtinë sjell ngjyrat e traditës dhe fuqizimin ekonomik
Jeta në Austri
-
Esat Bytyqi në mesin e arkitektëve më të mirë në Austri Arkitekti shqiptar Esat Bytyqi me banim në Vjenë, është vlerësuar për dy projektet e tij, të...
-
Hendeku gjinor i pensioneve në Austri zvogëlohet pak
-
Planet për të kufizuar çmimet e ushqimeve në Austri përballen me dyshime të mëdha
-
Fiona Kabashi diplomon në Universitetin Mjekësor të Vjenës
-
Probleme me pensione invaliditeti në Austri