Lajme
Admir Mehmedi në kombëtaren zvicerane?
Në këtë pozitë për tu lakmuar, lojtari i FC Zürich ka ardhur me dy golat e shënuar gjatë dy javëve të fundit në ndeshjet kampionale
Në një shkrim të botuar në numrin djeshëm të gazetës “Blick”, spekulohet nëse futbollisti i talentuar shqiptar Admir Mehmedi do të angazhohet nga selektori Hitzfeld në ekipin e parë të kombëtares zvicerane.
Në këtë pozitë për tu lakmuar, lojtari i dalluar i FC Zürich ka zënë vend sidomos me dy golat e shënuar gjatë dy javëve të fundit në ndeshjet kampionale. Në gjithë rrjedhën e kampionatit, ai ka dhënë 7 gola.
Ndeshjen e fundit, të cilën FC Zürich e fitoi kundër FC Young Boys të Bernës, e kishte ndjekur nga tribunat edhe shefi i kombëtares zvicerane, Othmar Hizfeld. Pas lojës, ai ishte treguar i matur lidhur me angazhimin eventual të Mehmedit në ekipin e kombëtares zvicerane, por pa e përjashtuar mundësinë.
Duke qenë se shërbimet e mira të Mehmedit për FC Zürich kohëve të fundit u kanë rënë në sy tifozëve dhe të tjerëve, gazeta Blick ka publikuar edhe një sondazh përmes të cilit lexuesit do të shprehen për ose kundër angazhimit të shqiptarit nga Maqedonia, Admir Mehmedit në kombëtare.
I pyetur nga gazeta lidhur me qëndrimin e tij, Mehmedi ka thënë se është ëndërr e tij qe të zë vend në kombëtare. Por, që ëndrra e tij të jetë më afër realizimit, ka ndikuar gjithsesi edhe paralajmërimi për tërheqjen nga kombëtarja i lojtarëve të vjetër Frei dhe Streller. Kështu, përfaqësuesja zvicerane e futbollit ka nevojë për një lojtar me profil golgeteri.
E-Diaspora
-
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë Mbrëmë, në hapësirat e Konsullatës së Përgjithshme të Republikës së Kosovës në Gjenevë, u hap ekspozita... -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern -
Seminar i KKAD me temën “Sfidat e gjuhës shqipe në diasporë” -
Sot fillon afati 11-ditor për regjistrimin e votuesve jashtë Kosovës
Jeta në Austri
-
Piloti austriak bën ulje emergjente afër kufirit me Italinë Piloti austriak bën ulje emergjente në autostradën A2 në Karinthia pranë kufirit italian; nuk ka të... -
Influencerja e zhdukur austriake gjendet e vdekur, brenda një valixheje -
Me 23 nëntor mbahet në Vjenë “Turneu i Pavarësisë” -
Koncert festiv për ditën e Pavarësisë së Shqipërisë në Baden të Austrisë -
Vjenë
Orë letrare në Vjenë në shënim të Ditës së Flamurit










