Ademi i Xamax-it bën senzacion me golin kundër kampionit, YB

Ekipi në të cilin luan ai, është i parafundit në tabelë dhe rrezikon të bjerë një kategori më poshtë. Ndeshja e barazhit kundër GC të Cyrihut do ta përcaktojë se kush do të detyrohet të ikë nga superliga

Kemal Ademi nuk njihet (ende) si yjet tjerë me rrënjë shqiptare të superligës së Zvicrës në futboll. Por, nga sot e tutje duket se gjendja do të ndryshojë. Ai ka bërë senzacion duke shënuar një gol për Xamax-in e Neuchatel-it në ndeshjen kundër kampionit tashmë të konfirmuar, Young Boys të Bernës, shkruan albinfo.ch. Me këtë gol Kemal Ademi 23 vjeçar, i ardhur nga Kosova në Zvicër me prindërit gjatë luftës si refugjat, ka ndihmuar skuadrën e tij për të bërë një hap të madh përpara.

Kjo mund të thuhet kur dihet se YB i Bernës që u gjunjëzua para Ademit, është jo vetëm kampion i konfirmuar i superligës, gjashtë javë para mbarimit të kampionatit, por ka një epërsi super të madhe, prej 22 pikësh ndaj skuadrës së dytë në tabelë, FC Baselit.

Ekipi në të cilin luan ai, është i parafundit në tabelë dhe rrezikon të bjerë një kategori më poshtë. Në fakt, ndeshja e barazhit kundër GC të Cyrihut do ta përcaktojë se kush do të detyrohet të ikë nga superliga, shkruan albinfo.ch. Por, me fitoren e sotme, Xamax ka plot 9 pikë më shumë se ish skuafdra e madhe nga Cyrihu.

Ademi ka shënuar në minutën e 73-të, vetëm 3 minuta pasi kishte hyrë në lojë.

---