Abdixhiku: Le të jetë kjo ditë reflektimi dhe solidariteti

Abdixhiku uron Kurban Bajramin: Le të reflektojmë mbi dashurinë, solidaritetin dhe përkushtimin ndaj tjetrit

Kryetari i Lidhjes Demokratike të Kosovës, Lumir Abdixhiku, ka uruar besimtarët myslimanë me rastin e festës së Kurban Bajramit, duke uruar reflektim e solidaritet.

Kreu i LDK-së ka theksuar rëndësinë e kësaj dite për paqen dhe dashurinë ndërnjerëzore.

“Kjo ditë e sakrificës, solidaritetit dhe dashurisë ndaj njëri-tjetrit le të na shërbejë si reflektim e kujtesë për vlerat më të larta njerëzore, përkushtimin ndaj Krijuesit, dashurinë për njëri-tjetrin dhe gatishmërinë për të ndihmuar ata që kanë më shumë nevojë. Në këtë festë ju uroj shëndet, lumturi dhe begati, me besim që harmonia dhe mbarësia të jenë gjithnjë udhërrëfyes në shoqërinë tonë. Me fat Kurban Bajramin”, ka shkruar Abdixhiku në Facebook.

Besimtarët myslimanë festojnë sot ditën e Kurban Bajramit.

---