A përhapet më shpejt nënvarianti i ri i Omicron, i zbuluar së fundmi?

Një nënvariant i Omicron është shfaqur në disa vende duke shtuar shqetësimin rreth transmetueshmërisë së tij.

BA.2 duket se po fiton terren në disa pjesë të botës, duke përfshirë Danimarkën, Mbretërinë e Bashkuar dhe Greqinë.

Sipas studiuesve, duke pasur parasysh shpejtësinë me të cilën po kalon nënvariantet e tjera të Omicron, ekziston mundësia që të jetë më i transmetueshëm në komunitet, transmeton Euronews, përcjell Albinfo.ch.

Omicron, i cili gjithashtu quhet B.1.1.529, ka tri nënshtresa kryesore, BA.1, BA.2 dhe BA.3, sipas Organizatës Botërore të Shëndetësisë, deri më tani BA.1 që ka dominuar, duke shënuar një shumicë të madhe të të gjitha rasteve të Omicron.

Megjithatë, në disa vende, BA.2 ka filluar të përhapet më shpejt.

Në Danimarkë, tani përbën pothuajse gjysmën e të gjitha rasteve të Omicron. Vende të tjera si Mbretëria e Bashkuar, Norvegjia dhe Suedia po përjetojnë gjithashtu një rritje të rasteve BA.2, edhe pse jo në të njëjtën masë.

 

 

---