Lajme

A mundë të shtyhet privatizimi i PTK-së?

E premte, 23 Shtator 2011 - 9:09 albinfo.ch

Nëse shtyhet privatizimi i Postës dhe Telekomit të Kosovës, duket se nuk paraqet problem për Qeverinë e Kosovës.

Fondi i Privatizimit, një pjesë e të cilit kthehet sivjet direkt në buxhet, shihet si mundësi e mirë për financimin e deficitit buxhetor dhe mbulimit të faturave për autostradën, shkruan Express, duke cituar deputetë të Kuvendit dhe burime brenda komisioneve parlamentare.

Miratimi i Ligjit për AKP-në, që lejon kthimin e parave nga Fondi i Privatizimit, sipas tyre ka krijuar edhe rehati te qeveritarët, sa që i ka bërë të mos e shohin PTK-në si të vetmin burim për mbulimin e deficitit.

Parashikohet që deri në fund të këtij viti deficiti buxhetor të arrijë në 300 milionë euro.

 Të tjera nga Lajme

Reagon KEK-u: Operimi i njësive tona prodhuese po vazhdon normalisht, nuk ka asnjë kolaps prodhimi

 E-Diaspora

 Jeta në Austri